Beteja për Severodonetsk, Rusia: Kemi rrethuar 2000 ushtarë ukrainas në Donbas

Rusia thotë se ka rrethuar rreth 2,000 ushtarë ukrainas në Donbas ndërsa po intensifikon përpjekjet e saj për të marrë në kontroll Severodonetsk dhe Lysychansk, tha zëdhënësi i ministrisë së saj të mbrojtjes Igor Konashenkov në një konferencë të së premtes, sipas CNN.

“Në total, në zonën e Hirske, ne kemi rrethuar deri në 2,000 njerëz: rreth 1,800 ushtarakë ukrainas, 120 nazistë nga sektori i djathtë, deri në 80 mercenarë të huaj, si dhe mbi 40 automjete të blinduara luftarake dhe rreth 80 armë”, tha Konashenkov, duke shtuar se 41 ushtarë ukrainas janë dorëzuar vullnetarisht në 24 orët e fundit.

CNN ka kontaktuar me ushtrinë ukrainase dhe administratën rajonale për koment mbi pretendimet e Rusisë – të cilat CNN nuk ka qenë në gjendje t’i verifikojë në mënyrë të pavarur por ende nuk ka marrë përgjigje.

Më herët të premten, kreu i administratës ushtarake rajonale të Luhansk pranoi se forcat ruse kishin bërë përparim në disa zona në jug të Lysychansk, përkatësisht Zolote dhe Toshkivka.

Ministria ruse e Mbrojtjes tha gjithashtu se forcat e Moskës kishin shënjestruar pesë depo municionesh në rajonin e Luhanskut, duke shtuar se forcat ukrainase po shihnin nivele të larta dëmtimi.

Në të njëjtën zonë të Luhanskut, kreu i administratës ushtarako-civile të Hirske, Оleksii Babchenko tha se qyteti ishte “plotësisht i pushtuar” nga forcat ruse. Specifikat ende nuk janë konfirmuar.

“Fatkeqësisht, që nga ora 8 e mëngjesit të sotëm, komuniteti territorial i Hirske është plotësisht i pushtuar,” tha Babchenko në një fjalim televiziv. “Pavarësisht se afër Zolotes kishte një zonë shumë të fortë të fortifikuar, zbulimi u bë nga drejtimi Orikhove-Toshkivka.

“Momentalisht është duke u vendosur regjimi i pushtimit. Në të gjithë komunitetin territorial kanë mbetur rreth 4000 vendas. Situata është jashtëzakonisht e vështirë: nuk ka energji elektrike, ujë apo gaz”, tha Babchenko.

“Që të marten, ishte e pamundur të arrije në Hirske, të dërgoje ndihma humanitare dhe të evakuohej popullsia, sepse të gjitha rrugët ose nuk ishin nën kontrollin tonë, ose tashmë po qëlloheshin”, tha ai.

Babchenko vazhdoi duke thënë se rreth 60% e ndërtesave në qytet ishin dëmtuar.

/abcnews.al