“L’Equipe” raporton se anësori i Lyonit, Xherdan Shaqiri është në bisedime të avancuara me skuadrën, Chicago Fire nga MLS dhe mund të largohet në ditët në vijim.

Reprezentuesi zviceran kishte qenë gjithashtu në bisedime vitin e kaluar me skuadrën e Sion dhe u ka thënë njerëzve të tij të afërt se dëshiron të largohet duke pasur parasysh kohën e tij të vështirë që po kalon në Francë deri më tani dhe rrezikun që paraqet për vendin e tij në skuadrën e Kupës së Botës me Zvicrën.

Pavarësisht se pati paraqitje dinjitoze me Lyonin në ndeshjen e fundit, ish-lojtari i Liverpool ka pasur shqetësime për kohën e tij të lojës.

Shaqiri është pjesë e skuadrës franceze që nga vera e kaluar kur u transferua nga Liverpool për gjashtë milionë euro.