-ads3-

Një grua, e cila u mor me bodybuilding pasi u tall nga i shoqi, tani po takohet me një burrë 15 vjet më të ri se vetë.

Wendy Levra, 42 vjeç, tani është një bodybuilder profesioniste dhe trajnere personale me biceps 15 inç, kuadrat 24 inç dhe gjoks 37 inç.

Wendy, nga Nevada e ShBA-së, tani ka zbuluar se ajo filloi të ushtronte me pesha të rënda në moshën 35-vjeçare edhe pse ish-bashkëshorti tallej me iniciativën e saj dhe e quante të pamundur.

Ajo la punën e saj në sigurime për t’u bërë një trajnere personale dhe u divorcua nga bashkëshorti i saj dhe gjeti një burrë të ri, 27-vjeçarin Sean O’Flattery, me të cilin po takohet që tre vjet.

“Ne ishim miq për një kohë, por disa vite më vonë e kisha të vështirë të paguaja qiranë dhe Sean po kthehej në Elko nga Iowa, kështu që ne u transferuam së bashku”, tha Wendy.

“Ne ia dolëm shumë shpejt, na pëlqejnë të njëjtat gjëra si daljet dhe udhëtimet”, shtoi ajo.

Uindi lindi djalin e saj të parë në moshën 17-vjeçare, ajo duhej të linte shkollën e mesme, djali i saj i vogël aktualisht është 16 vjeç dhe e shoqëron shpesh në garat e saj.

Wendy është përballur me reagime të ndryshme nga rrjetet sociale dhe miqtë dhe familja e saj në lidhje me fizikun e saj në bodybuilding.

“Dhe familja dhe miqtë e mi më thonë se i motivoj ata të stërviten, por më pas ata thonë gjëra të tilla si ‘Unë dua të stërvitem, por nuk dua të dukem si ti’”.

“Nuk e lejoj që të ndikojë tek unë, pasi është jeta ime, dhe kjo është diçka që më pëlqen të bëj, dhe stili i jetës së bodybuilding më ka dhënë shumë”, ka shtuar ajo.

“Bodybuilding më ka dhënë shumë besim. Dikur isha e turpshme. Unë nuk do të flisja me njerëzit nëse ata nuk më afroheshin më parë”, ka përfunduar ajo.