Aksident i rëndë mes dy kamionëve në autostradën “Ibrahim Rugova”

Një aksident mes dy kamionëve ka ndodhur sonte në autostradën “Ibrahim Rugova”.

Nga ky aksident dy shoferët e këtyre mjeteve janë dërguar për trajtim në QKUK.

Këtë e ka konfirmuar për arbresh.info Bajram Krasniqi, zëdhënës i Policisë së Kosovës.

“Policia rreth orës 16:20 është njoftuar për një aksident trafiku që kishte ndodhur në autostradë, segmenti Duhël-Suharekë. Nga vendi i ngjarjes, patrulla policore për kontrollin e autostradës njofton se në aksident janë përfshirë dy kamionë dhe si pasojë e aksidentit dy persona (dy shoferët) kanë kërkuar ndihmë mjekësore dhe të njëjtit janë nisur për në QKUK-në”, tha Krasniqi.