-ads3-

Lajme të mira për personat që janë vaksinuar me vaksinat kineze kundër koronavirusit. Britania e Madhe, duke filluar nga 22 nëntori, do të shtojë kompanitë Sinovac dhe Sinopharm, si dhe indianen Covaxin, në listën e vaksinave të cilësuara të sigurta.

Kjo do të mundësojë personat e vaksinuar plotësisht të udhëtojnë lirisht në atë shtet, ashtu siç ndodh me ato që kanë injektuar vaksina Pfizer, Astra Zeneca dhe Moderna, ndër të tjerat.

Vaksinat e kompanive Sinovac dhe Sinopharm, edhe pse të njohura si të sigurta nga raportet e Organizatës Botërore të Shëndetësisë, nuk janë ende të miratuara nga Agjencia Europiane e Barnave (EMA).