PSG konfirmon lëndimin e Neymarit

Ylli i Paris Saint-Germain, Neymar Jr, është lënduar gjatë ndeshjeve të fundit ku e ka përfaqësuar Brazilin.

Klubi francez ka konfirmuar se braziliani do të mungojë në ndeshjen ndaj RB Leipzigut e cila ndeshje është në kuadër të Ligës së Kampioneve.

“Neymar ka pasur dhimbje që nga rikthimi prej Kombëtares dhe do vazhdojë të trajtohet për disa ditë para se të rikthehet në stërvitje normale me grupin”, shkruhet në komunikatën për media.

Sipas mediave franceze, nëse gjatë rikuperimit do të ketë probleme ai pritet të mungoj edhe në ndeshjen ndaj Marseille e cila do të mbahet më 24 tetor.

Ndërsa pritet që rikuperimi i tij të zgjatët pesë ditë.