“Abbronzati o rimborsati” në Itali paraqet principin e rikthimit të parave. Në këtë mënyrë pushimoret në pjesën veriperëndimore të Italisë mundohen ti kënaqin vizitorët e tyre gjatë fillimit të verës.

-ads3-

Dy plazhe në Jesolo, në veri të Venedikut, janë aq të dëshpëruara në tërheqjen e turistëve saqë kanë vendosur të bëjnë marrëveshje me të cilën vizitorëve u ofrohet refundim i të hollave nëse bie shi gjatë qëndrimit të tyre. Marrëveshja vlen për secilin turist i cili do ta kalojë pushimin veror atje.

“Mundohemi ta bëjmë Jesolon destinacion detar të popullarizuar për turistët e Italisë dhe Evropës”, thonë përfaqësuesit e pushimoreve.

Sipas marrëveshjet, turistët të cilët do të pagujnë një euro më tepër kur marrin ombrellë do të fitojnë refundim të plotë nëse dita e tyre shkatërrohet për shkak të shiut, por kjo vlen vetëm nëse ka mbi 3 milimetra shi ndërmjet orës 11 dhe 17. Rrethina e Venedikut tërheq 20 miliona turistë çdo vit.

Por, Jesolo ka probleme me turizmin këtë vit për shkak të motit të keq në qershor. Në fillim të muajit qyteti u sulmua edhe nga një tornado. Moti i keq është arsyeja e rënies së turizmit për 18% këtë muaj, që e bën muajin qershor më të dobët gjatë 20 viteve të fundit.